Бизнес Объектлар (Жараёнларни Моделлаштириш)
Шу пайтгача биз жараёнларни асосан ҳаракатлар томондан қараб, функцияларни белгилаб келдик, ва уларни кетма-кетлигини белгилаб қачон бажарилишини ҳам белгиладик. Энди эса, объект томондан ҳам қарашимиз керак бўлади, яъни дата томондан. Бизнес объектлар бу ҳаракат бажарилиши учун талаб қилинадиган ва ҳаракатнинг натижасида келиб чиқадиган артефактлар (ҳужжат, файл ёки материал) ҳисобланади.
Бу ўзимизнинг буюртмадан-тўловгача бўлган жараённи янада бойитилган шакли. Ҳар бир ҳаракатни бажариш учун талаб қилинадиган ёки ҳаракатни натижаси бўлган бизнес объектларни бирма-бир кўриб чиқадиган бўлсак, Омборни Текшириш учун керак бўладиган объект бу Буюртма, ва худди шу Буюртма маҳсулот ишлаб чиқаришда ҳам керак бўлади. Бу «Буюртма» BPMN тилида дата объекти ҳам дейилади. дата объектлари ҳаракатга талаб қилинадиган ёки натижа сифатида келиб чиқадиган ахборот ёки материал хисобланади.
Дата объектининг чизиғини қайси томонга қаратилгани бу ҳаракат учун кирим ёки чиқим эканлигини аниқлаб беради. Энди бир ҳаракатдан кейинги ҳаракатга дата объекти бериладиган бўлса, бунда ҳечқандай стрелкасиз узуқ чизиқни кетма-кетликни ифодалаб келаётган чиқиққа улашимиз кифоя. Мисол учун, “Инвойс бериш” ҳаракатидан “Тўловни қабул қилиш” ҳаракатига Инвойс берилади, ва буни ифодалашни расмда кўриб олсангиз бўлади.
Яна маълум вазиятларда дата объектининг ҳолатини ҳам тасвирлашимиз мумкин. Мисол учун, Буюртмани тасдиқлаш ҳаракати Буюртмани кирим қилмоқда ва чиқим (натижа) эса тасдиқланган буюртма бўлмоқда, яъни объектнинг ҳолати ўзгармоқда.
Энди алоҳида белги билан маълумотлар базасини ҳам ифодалаш мумкин. Бу база ё электрон ёки ҳужжатда сақланиши ҳам мумкин ва у бўш цилиндр билан тасвирланади.
