Жараён Парчаланиши (Жараёнларни Моделлаштириш)
Кўплаб бизнес жараёнларни таҳлил қилганимиз сари, модель катталашаверади, ва охир оқибат умумий моделни тушуниш қийинлашаверади. Мисол тариқасида буюртмадан-тўловгача жараёнини олайлик, у нисбатан содда бўлишига қарамасдан унда 14та ҳаракат, бир нечта шлюз ва ҳодисалар мавжуд. дата объектлар, ресурс ва хабарлар оқими кўпайгани сари моделни тушуниш янада қийинлашиб боради. Шуерда бир савол туғилади, қандай қилиб бу муаммони ечиш мумкин?
Тушунарлилик даражасини ошириш учун биз суб-жараёнлар орқали айрим ҳаракатларни беркитишимиз мумкин. суб-жараён бу бир қанча иш ва вазифаларни ўз ичига олувчи жараён ҳисобланади. Буни ишга солиш учун биз бири-бирига боғлиқ ҳаракатларни, яъни бир натижага олиб келувчи ва мақсади бир ҳаракатлар гуруҳини аниқлаб олишимиз керак. Ўзимизнинг буюртмадан-тўловгача бўлган жараёнда “Хом-ашёни етарлилигини текшириш” ва “1,2-етказиб берувчига хом-ашё буюртма қилиш” ҳаракатлар биргаликда хом-ашё сотиб олиш учун хизмат қилади. Шунинг учун, бу ҳаракатлар ва уларга тегишли бўлган боғланмаларни барчасини суб-жараёнга киритиш мумкин. Яъни улар “янги материал сотиб олиш” макро-ҳаракатининг қисмларини ташкил қиладилар.
Кўрганингиздек, суб-жараёнлар яратилди ва улар ичидаги ҳаракатлар қути ичига жойланди. Аммо эсингизда бўлса, бизнинг мақсадимиз жараён моделини тушунарли ва содда кўринишга олиб келиш эди. Шунинг учун бизнинг кейинги ҳаракатимиз қуйидагича бўлади:
Шу йўл билан биз жараённи парчалашимиз ва уни бўлакларини суб-жараён ичига киритишимиз мумкин. Охир оқибат «+» белгисига эга бўлган ҳаракат юзага келади. Бу дегани унинг ичидаги жараёнлар мавжуд, улар шунчаки беркитилган.
Шунда, қачон моделни суб-жараёнларга бўлишимиз керак?
суб-жараёнларни қачонки моделимиз тушунишга қийин бўлиб қолган ҳолда ишлатилади. Мисол учун, 30 дан ортиқ оқим объектлари (ҳаракатлар, ҳодисалар, шлюзлар) ишлатилган модель мураккаблашган ҳисобланади, ва хато қилиш эҳтимоллиги ошади.
Бундан келиб чиқадики, жараённи парчалаш бу моделни тушунарли бўлишида энг керакли воситалардан бири.
